මම මා නොවන තුරු

උඹේ හීල්ලුම් හා එක්ව උඩු හුළඟින් දිවි ගමනේ පැතුම් කන්දට උඩහින් නැග එන බර සිහින වලාවන් නිදි නොලැබම උඹ දැක්කෙන් ගිලා බැහැලනෙ නුඹේ දෙනුවන් අම්මේ උඹත් දැන් දැන් වයසට ගිහිල්ලනේ බන් මන් ලොකුවෙලාද මන්දා බන් නුඹේ සුලැඟිල්ලෙ එල්ලෙමින් කුලියක් හොයා හොයා යන ගමන් උඹගෙ පස්සෙන්ම වැටෙමින් ගිය ඒ සොඳුරු මතකයන් අද ඊයෙම වගෙයිනෙ බන් මං දකින සිහිනයන් නොවිමසා මගේ මුවින් හැබෑවක් වනු නියෙන් විකටර් මුදලාලිගෙන් සීයට දහයේ ගිනි පොලියෙන් සින්න කරන් උඹෙ කඩුක්කන් කාසි ගෙනත් තියා මගේ දෑතින් කොළඹ රටට එනු රිසියෙන් නුඹේ දෙපා වැඳි මොහොතින් හඬන්න කඳුලක් නැතියෙන් නෙත් කෙවෙනිය තෙත් නොකලෙන් පපු පොඩිත්ත හැඬු කඳුලෙන් සිතුවම් වූ දරු සෙනෙහින් නුඹේ මුහුණම එලිය වුයෙන් වෙව්ලන ඒ මහ දෑතින් හිස අතගා නුඹේ මුවින් බුදු සරණයි කිව් හැටියෙන් කොළඹ ආවේ මං සතුටින් ජීවිතයට නව රසය සොයන් කොළඹ රටට ආපු ගමන් සුදු පාටට ඒ ඔපයෙන් කණ වැටුනිය මගේ දෙනුවන් සැහැල්ලු මුත් පිහාටු වන් උර රිදෙන්නේ හරි බරකින් හෝටලේක වලන් පිඟන් ජීවිතේම සින්න කරන් හිමිදිරියේම උදැහින් වෙල් දෙණිවල ඇවිද ගොසින් කොස් ගෙඩියෙන් පොලොස් ගැටෙන් අඳ කුඹුරක උප්පිඩකින් පොල් කොළයෙන් පිස...