"සබඳ මේඝය ඉතින් වැහැපන්......."


"අව් කාස්ටකේ
වල් කොටල
ගිණි තියල
පින් බිම
හදා ගත්ත
කැලේ ගස් එක්ක හැප්පිල
දඬු වැටත් බැඳ ගත්ත
ඉල් මහේ
නුඹ ඇවිදින්
හිත පුරා අහස් දිය
දෙනවයි කියා
බටහිර අහසේ
ඉඟි පෑව හන්දා

හන්දියේ මුදලාලිගෙන්
ණයට ගත්
කුරහන් සමග මෑ
වපුරන්නයි
සූදානම
සබඳ මේඝය
ඉතින් වැහැපන් මේ බිම සරුවී
අපේ හිත් පිරෙන්න
කුරහන් කැකුළු
දළු ලා හිනැහෙනු
දකින්න

ප්‍රිය බිරිඳ තැම්බූ
තලප ගුලියක් කා
රෑ පැලේ
අලිත් එක්ක
හැප්පෙන්න
සබඳ මේඝය
ඉතින් වැහැපන්
අපේ පැතුම්
පූදිනු දකින්න........."

Comments

  1. "සොඳුරු මිනිසා"November 27, 2010 at 3:52 AM

    මේ කුරහන් වැපිරෙන මාසයයි.

    ReplyDelete
  2. මධුරංගNovember 27, 2010 at 8:53 AM

    වැස්ස කියන්නේ පුදුම දෙයක් !!! රජරට ගොවියෝ වැස්ස ඉල්ලලා ශ්‍රී මහා බෝධියට බාරත් වෙනවා. ඒත් රත්නපුරේ අයට ඇති වෙන්න වැස්ස. එයාලට කිසිම අගයක් නෑ වැස්ස ගැන. කොහොම උනත් ලස්සන සංකල්පනාවක් !!!!

    ReplyDelete
  3. dineshNovember 27, 2010 at 9:40 AM

    අපිට හිම වැටෙනවා,රජරටට පායනවා,රත්නපුරේට වහිනවා...ලෝකෙ කැරකෙනවා...මිනිස්සු මේ ඔක්කොටම මැදිවෙලා දුක් විඳිනවා.උඹේ අදහස්නම් පට්ට මචෝ..

    ReplyDelete
  4. හිස් අහසNovember 27, 2010 at 10:41 AM

    අපිට පායනවා නැතිවෙන්න පොලව පැලිලා හතරට . අපි තාමත් වැහි කඳුලක් බලාපොරොත්තුවෙන් !

    ජයවේවා !!

    ReplyDelete
  5. "සොඳුරු මිනිසා"November 28, 2010 at 9:58 PM

    @ මධුරංග : වැස්ස ආශිර්වාදය වගේම විනාශයත් ගෙනෙන වෙලාවල් තියෙනව, කොහොම උනත් වැස්සට මම නම් ආසයි. ගොඩක් ස්තූතියි අදහස් එකතු කලාට.

    @ dinesh : ගොඩක් ස්තූතියි සහෝ......

    @ හිස් අහස : අපේ පිපාසිත ජීවිත වල පවස වැහි බිදකින් වත් නිමෙනවානම්, ඔබටත් ජයවේවා.

    ReplyDelete

Post a Comment

Popular posts from this blog

යශෝදරාව හැඬුවද නැත්නම් තවමත් පෙම් කලාද? කවියන් දුටු යශෝදරාව හා නරසීහ ගාථා

Image
සියලු සත්වයින් අනන්ත වූ සසර පුරාවට විඳින්නා වූ දුකින් එතෙර කිරීමේ උතුම් අරමුණින් අතර පෙර නිමිති දැක ලෝකයේ යතා ස්වාභාවය දන හැඳින ගිහිගෙය හැර යාමට සිදුහත් කුමරුන් ගත තීරණය ට එක වරම යලි විමසා බලනන්නට තරම් වූ සිදුවීමක් සිදු වූ බව අපි සැවොම දනිමු. " රාහුලෝ ජාතෝ  බන්ධන ඡාතං " කුඩා රාහුල කුමරු උපන් ඒ දිනයේ දාරප්‍රේමය හා යශෝදරාවන්ගේ ප්‍රේමයට වඩා සසර දුක බලවත් වූ හෙයින්ම නිදි පැදුරටද නොකියා ගිය සිද්ධාර්ථයන් කෙරේ තමා හා උපන් බිලිඳු ද හැරදා ගිය බව දැන ගත් විට හා ඉන් පසු කුළුඳුල් පුතෙකු සමඟ යශෝදරාව කුමන නම් හැඟීමක් සිත තුල තිබෙන්න ඇතිද, කෙලෙස ඇය තම දුක දරා ගන්නට ඇතිද, නිතර දෙවේලේ තම හිමියන්ගේ රුව නෙත ගැටී ඇයට ඒ මාලිගය තුල දකින හිස් දසුන මග හැරුණු පසු කෙලෙස නම් වීද, යන්න විවිධ මානයන් ඔස්සේ කවීන් කරන ලද ගවේෂණයන් හමුවේ යශෝදරාවන් ගේ සිතෙහි විවිද පැතිකඩයන් කවියන් විසින් ඔවුන් දුටු අයුරින් කවි රස විඳින්නන් වෙත ගෙනහැර ඇත. බෞද්ධ සාහිත්‍යය ඇසුරින් යශෝදරාව කෙරෙහි ගොඩ නැගී තිබුණු පහන් සංවේගය ඒ කවි වලට තවත් බලපෑමක් එකතු කර ඇතුවාට කිසිදු සැකයක් නොමැත. කවිය ගැන බැලීමේදී කවිය හා එය හරහා ගොඩ නැගෙන හැඟීම...
Read more

කරත්ත කවි කියමුද?

Image
අව්ව සැරයි ගමන දුරයි  හනික යමං මගෙ සුද්දෝ  උඹත් ඉතිං එකතු වෙයන්  පමා නොවී මගෙ රත්තෝ  කුර ගෙවිලා පය දනවා  නොදන්නවා නෙවේ ඉතිං  ඊට වඩා හිත දනවා  ඉකිබිදින්න බැරිලු ඉතිං  කොච්චර දුර ඇවිද ගියත්  තවමත් අපි එක තැනමලු  එතනින් තව කොහෙවත්  යන්න නැතිලු යන්න බැරිලු  කරත්ත කවි නොකීවාට  දහසක් කවි හිතේ තියෙයි  ඒ කවි වල දුක අහන්ට  අපේ සවන් අපට තියෙයි  හනික යමන් පමා නොවී  පමා වුනොත් පාඩු ගොඩයි  එහෙම උනොත් මගෙ දෑතට  ලැබෙන කාසි පනං අඩුයි
Read more

ඔයාට මොකද උනේ රෝයල් මේල් ස්ටීමර් ටයිටනික් (R.M.S. TITANIC)? නැව් ගැන ලිපි 2

Image
නැව් ගැන කලින් ලිපියෙන් අලුතෙන්ම හදන කිරි ටොයියා නැවකින් රවුමක් යමුද? මොකද කියන්නේ? කතා කරපු නිසාම මම ඒ ලිපියෙ ඊළඟ කොටස ලියන අතර තුර මතක් වූ දෙයක් නිසා ඔබ කවුරුත් දන්නා ශෝකාන්තයක් තමා රෝයල් මේල් ස්ටීමර් ටයිටනික් නැත්තනම් (R.M.S. TITANIC) ගැනයි කියන්නේ. ටයිටනික් නැව cherbourg වරායෙන් පිටවෙමින් ඉතින් මේ ශෝකාන්තය කොහෙන් කොහොම පටන් ගෙන කොහොම ඉවර කරගන්නද මන්දා. මේ ශෝකාන්තය ඇරඹෙන්නේ 1911 මැයි 31 වැනි බදාදා පස්වරු 12.15. මම හරියටම එහෙම කියන්නේ මේන්න මේ පැහැදිලි සාක්කිත් එක්ක. එත් මේ ශෝකාන්තය එදා පටන් ගත්තත් ඊටත් එහා ගියපු අතීතයක් මෙයට එකතු වෙනවා අයර්ලන්තයේ බෙල්ෆාස්ට් නගරයේ තියෙන ඩ්‍රයි ඩොක් එකක මෙයාව හදන්න මුල පුරන කාලේ ඉඳලම. එත් ශෝකාන්තය ඇරඹුනයි කියලා ලෝකය සාකිකි දෙන්නේ මෙන්න මේ දවසත් එක්ක. ටයිටනික් නැව දියඹට ගිය දවසේ නිකුත් කරපුවා ඉතින් මේ කතන්දරේ පටන්ගන්නේ වසර 1907 දි ඇමෙරිකාවේ ඒකාලේ හිටපු සල්ලිකාරයෙක් වෙච්ච ජේ. පී මෝර්ගන් (J. P. Morgan) කියන මනුස්සයා නැව් සමාගම් කිහිපයක්ම සල්ලි දීල ගන්නවා අත්ලාන්තික් සාගරය හරහා මගීන් ප්‍රවාහනය කරපු. ඔහු මිලදී ගන්නවා වයිට් ස්ටාර් ලයින් (White Star Line) න...
Read more